Vetëm pasi koncesionari të ketë paraqitur pranë Autoritetit Kontraktues policat e sigurimit dhe garancitë, ai mund të gëzojë të drejtën e uzufruktit mbi sheshin dhe Autoriteti Kontraktues mund ta regjistrojë atë si uzufruktar. Por, nëse për veprimtarinë e koncesionarit nevojitet shpronësimi i truallit që është pronë private, koncesionari do të paraqesë të gjitha dokumentet e nevojshme të shpronësimit dhe Autoritetit Kontraktues mund ta miratojë ose jo truallin e shpronësuar.
Nëse e kërkon koncesionari, Autoriteti Kontraktues duhet të sigurojë blerjen e energjisë elektrike të prodhuar nga koncesionari për një periudhë të paktën 15 vjeçare.
Vlera totale e investimit është 650'565'750 ALL, nga të cilat 129'496'500 ALL janë investime në makineri dhe pajisje.
Tarifa koncesionare është 5% e prodhimit vjetor të energjisë elektrike të cilën koncesionari duhet t'ia paguajë Autoritetit Kontraktues. Kjo tarifë nuk do të ndryshojë përgjatë gjithë kohëzgjatjes së koncesionit.
Koncesionari do të riinvestojë 60% të vlerës së investimit për makineri dhe pajisje duke filluar nga viti i 25 - të.
Koncesionari mund të nënkontraktojë shërbimet e tij tek të tretët vetëm pasi të ketë marrë miratimin e Autoritetit Kontraktues, por ky miratim nuk do të jetë i nevojshëm nëse nënkontraktohet një subjekt ndërkombëtare me reputacion të mirë dhe nëse marrëveshja është nën vlerën prej 500'000 eurosh.