Koncesionari duhet të mirëmbajë dhe përmirësojë shërbimet e tij duke përshtatur edhe teknologjitë më të reja dhe duke përmirësuar cilësinë shërbimit, procedurat, mekanizmat dhe shërbimet mbështetëse. Për të gjitha këto, ai duhet të marrë miratimin paraprak të Autoritetit Kontraktues.
Koncesionari ka të drejta në lidhje me përdorimin ekskluziv të portit dhe zotërimin e lirë të zonës ku do të zbatohet projekti. Koncesionari duhet të marrë të gjitha masat kundër ndotjes detare.
Kohëzgjatja e koncesionit është 35 vjet, por ajo mund të zgjatet nëse palët bien sërish dakord.
Autoriteti Kontraktues duhet të sigurojë të gjitha lejet, licencat në mënyrë të tillë që koncesionari të nisë punën e tij. Ai duhet ta asistojë koncesionarin në marrëdhëniet e tij me autoritetet shtetërore. Gjithashtu, ai i garanton koncesionarit gëzim të qetë dhe të plotë të portit dhe sheshit
Koncesionari ka të drejtë të nënkontraktojë shërbimet e tij pasi të ketë marrë miratimin e Autoritetit Kontraktues dhe për një vlerë minimale sa 30% e vlerës së kontratës.
Koncesionari merr përsipër të vërë në punë portin brenda 18 muajve nga data e fillimit të punimeve.
Totali i investimeve është 10’200’000 USD. Duke filluar nga viti i pestë para përfundimit të periudhës së koncesionit, koncesionari duhet të riinvestojë 40% të vlerës së investimit.
Tarifa koncesionare është 2% e xhiros vjetore para tatim fitimit dhe para TVSH - së të cilën koncesionari duhet t’ia paguajë Autoritetit Kontraktues. Tarifa do të paguhet brenda datës 15 të muajit pasardhës.
Tarifat e shërbimit të portit do të zbatohen pasi porti të jetë ndërtuar dhe do të zbatohen në bazë të Kodit Detar. Tarifat do të rishikohen çdo vit duke marrë parasysh edhe inflacionin.
Koncesionari mund të marrë kredi në bankë për të siguruar financimin e projektit, por duhet të njoftojë Autoritetin Kontraktues më parë.
Në 6 muajt e fundit të koncesionit, koncesionari duhet të nisë procesin e dorëzimit të portit. Koncesionari duhet t’i dorëzojë Autoritetit: të gjithë objektin, lëndët e para, të drejtat e pronësisë intelektuale, libra, dokumente, dosje, pajisjet elektromekanike, kompjuterët, licencat për përdorimin e programeve kompjuterike etj.