Në bazë të kësaj kontrate, Autoriteti i jep koncesionarit të drejtën ekskluzive për të ofruar dhe kontrolluar pullën fiskale. Pullat do të zbatohen mbi produkte luksi si duhani, alkooli, birra, farmaceutika etj. dhe koncesionari do të përfitojë tarifa për pullën e sigurisë.
Koncesionari mund të nënkontraktojë shërbimet vetëm pasi ka marrë miratimin e Autoritetit Kontraktues.
Çdo pullë fiskale që koncesionari do të prodhojë, përdoruesi mund të marrë menjëherë nga Sistemi Qendror për Monitorimin e Gjurmëve të dhënat rreth pullës fiskale për një periudhë prej 2 vjetësh.
Në fund të periudhës koncesionare, shoqëria koncesionare do t'i kthejë të gjitha shërbimet dhe sistemin tek Autoriteti Kontraktues.