Kohëzgjatja e koncesionit është 25 vjet.
Tarifa koncesionare është 2.2% të të ardhurave bruto.
Autoriteti Kontraktues do t’i garantojë koncesionarit gëzim të lirë të zonës së koncesionit, nuk do të japë autorizime apo leje palëve të treta, do të garantojë që zona e koncesionit është e lirë nga barra, detyrime ndaj të tretëve, qera, okupim, pretendime nga ish – pronarët etj. Pra, koncesionari do të gëzojë të drejtën për të përdorur aktivet e luajtshme dhe të paluajtshme në zonën e koncesionit. Koncesionari nuk do të paguajë taksa ose kosto në lidhje me pronësinë në zonën koncesionare, por ajo do të mbulojë të gjitha kostot në lidhje me përdorimin dhe menaxhimin e zonës.
Koncesionari është përgjegjës për realizimin dhe përfundimin e rehabilitimit dhe merr përsipër të gjitha kostot dhe risqet në lidhje me rehabilitimin. Periudha e punimeve të rehabilitimit do të jetë 46 muaj dhe koncesionari duhet të marrë në dorëzim të gjitha aktivet në zonën e koncesionit.
Shoqëria koncesionare nuk ka të drejta përdorimi vetëm mbi objektet ekzistues në zonë, por edhe objektet e reja potenciale që mund të krijohen në të ardhmen.
Shoqëria koncesionare mund të vendosë tarifat si të dëshirojë për çdo shërbim. Por, në rastin e Transportuesve të Tjerë Hekurudhorë (operatorë të tjerë të transportit, pra jo pasagjerët) ajo mund të vendosë vetë në mënyrë të lirë tarifat, por ato do të rishikohen çdo 4 vjet.